Елордада жастарға арналған тұрғын үй бағдарламасын жүзеге асыру жалғасады

Елорда әкімі Алтай Көлгінов бүгін бірқатар қолжетімді әлеуметтік тұрғын үй құрылысының барысыме...

Жұмыссыз жастар қалай тәжірибе жинай алады?

Жастар тәжірибесі үшін төленетін еңбекақы 89 540 теңгені құрайды деп хабарлады елорда әкімдігінің р...

Алматылықтар үшін ақылы жастар тәжірибесі: 150-ден астам түлек жұмысқа орналасты

Алматы әкімі Бақытжан Сағынтаевтың тапсырмасы бойынша мегаполисте Жастар Ресурстық Орталықта...

Тұрғын үй құрылыс жинақ банкі бүгіннен бастап "Шаңырақ 5-10-20" бағдарламасын жүзеге асырады

Тұрғын үй құрылыс жинақ банкінде 17 тамыздан бастап "Нұрлы жер" мемлекеттік бағдарламасыны...

Жыл басынан бері "Еңбек" бағдарламасымен 23 мыңға жуық алматылық жұмысқа орналасты

720 алматылық жыл басынан бері ақысы төленетін жастар практикасына жіберілген....

Мүгедектігі бар 4 мың адам "Еңбек" бағдарламасы аясында жұмысқа орналасты

Ағымдағы жылғы 1 қазандағы жағдай бойынша жұмыспен қамтуды қолдау шаралары 15,4 мың мүгедектігі бар адамға көрсетілді деп хабарлайды ҚазАқпарат Еңбек және халықты әлеуметтік қолдау министрлігінің баспасөз қызметіне сілтеме жасап.

Оның ішінде Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасы (бұдан әрі – «Еңбек» мемлекеттік бағдарламасы) бойынша 11,4 мыңнан астам адам, ал Жұмыспен қамтудың 2020 жылға арналған жол картасы (бұдан әрі – ЖҚЖК) шеңберінде 2,2 мың адам қолдау алды.

«Еңбек» мемлекеттік бағдарламасына 11,4 мың мүгедектігі бар адам қатысты, оның 4 мыңы тұрақты жұмыс орындарына, 6 мыңнан астамы уақытша жұмыстарға орналастырылды, 448 азамат қысқа мерзімді кәсіптік оқытумен қамтылды, 284 адам микрокредиттер алды және 700 адам мемлекеттік гранттар алды.

Сондай-ақ, «Бастау бизнес» жобасы бойынша кәсіпкерлік қызмет негіздеріне оқытуға 504 адам жіберілді. Тағы 2,2 мыңға жуық мүгедектігі бар адам Жұмыспен қамтудың жол картасының жобаларына жұмысқа орналастырылды.

«ЖҚЖК аясында жүзеге асырылып жатқан жобалар әлеуметтік-мәдени нысандар мен тұрғын үй-коммуналдық шаруашылық нысандарын жөндеу мен қайта жаңартуды, инженерлік-көлік инфрақұрылымын салуды және елді мекендерді абаттандыруды көздейді.

Мұндай жұмыстарға мүгедектігі бар адамдар медициналық қорытындыларға сәйкес жіберіледі», – деді ҚР Еңбекмині Халықты жұмыспен қамту департаментінің еңбек нарығын дамыту басқармасының басшысы Бақыт Қашырбеков.

Бұдан басқа, «Халықты жұмыспен қамту туралы» Заңға сәйкес, жергілікті атқарушы органдар ауыр жұмыстарды, еңбек жағдайлары зиянды, қауіпті жұмыстардағы жұмыс орындарын есептемегенде, жұмыс орындары санының екіден төрт пайызға дейінгі мөлшерінде мүгедектігі бар адамдар үшін жұмыс орындарына квота белгілеуді қамтамасыз етеді. Квота шеңберінде 2017 жылдан бастап осы жылға дейін 13,6 мың мүгедектігі бар адам жұмысқа орналастырылды, оның ішінде 1,8 мыңы – 2020 жылдың 2-тоқсанының қорытындысы бойынша.

«2018 жылдан бастап халықаралық тәжірибе негізінде мүгедектерді жұмысқа орналастыру үшін арнайы жұмыс орнын жабдықтауға жұмыс берушілердің шығындарын субсидиялау енгізілді. Биыл көру, есту және тірек-қимыл аппараты бұзылған мүгедектер үшін 31 арнайы жұмыс орнын құру жоспарлануда», – деп толықтырды Бақыт Қашырбеков.

Әзірше пікірлер жоқ

Пікір қалдыру үшін жүйеге кіру керексіз.